Monthly Archives: September 2013

tagpi V

pagkawala’y iniyakan,

ilang araw ngang umulan.

araw ‘di na nasilayan

mula nang iyong iwan.

 

luhang ‘di mapigilan,

bumuhos na ulan.

kinalawang ang isipan,

binutas ang bubunguan.

 

tumagas ang hapis,

ang sakit ‘di natiis.

pagkat lunas ang nais,

tinapalang mabilis.

 

tapal ay manipis

kaya’t dagling naalis.

balat-kayo ang tamis,

pinagsisihang labis.

Advertisements