Tag Archives: nakaraan

nang masalubong kita sa perya

perya

Tanaw ko agad.

Ilaw na asul at pula
Kumurap sa magkabila.
Habang papalapit,
Aninag na itim ang damit.

Dito pa.
Ngayon pa.
Bakit pa?
Kung kailan
Ayaw ko na,
Biglang narito ka
Ulit.

Ramdam ko agad.

Halong kilig at kaba,
Dibdib ko’y nabalisa.
Nang magkasalubong
Humulagpos ang nakakulong.

Dito nga.
Ngayon nga.
Bakit ba?
Kung kailan
Narito ka,
Biglang gusto kita
Ulit.

Advertisements

lasa

matamis ba ang pangalan
kung mapait nang tikman?
kung maalat ang nakaraan,
dapat pa bang balikan?
sa anghang ng usapan,
maiging ugnaya’y wakasan.